Bókin.is - Bookshop

Melablóm. Nokkrar Smá-skáldsögur og æfintýri # 82726 [Innbundin]

Our Price:	39.500 kr.

When dispatched:	1-3 dagar, að jafnaði.
Language:	Íslenska
Condition:	Ágætt eintak, innbundið. Fágæti.
Product no.:	#82726

Contents:
Melablóm. Nokkrar Smá-skáldsögur og æfintýri. Samin af Guðmundi Hjaltasyni.
Guðmundur Hjaltason fæddist á Ásbjarnarstöðum í Stafholtstungum 1853. Það var lán hans að þar var ágætt bókasafn og hafði hann gott frjálsræði til lesturs. 16 ára gamall fór hann til móður sinnar að Kvíakoti í Þverárhlíð. Og eins þar, þrátt fyrir að teljast fullgildur vinnumaður, gafst honum tækifæri á að komast í góðar bækur. Þegar móðir hans lést fór Guðmundur á sjóinn, fyrst á Akranesi og síðar á Seltjarnarnesi. Var hann þar við sjósókn og almenna vinnu í fjögur ár en þar kom að bændur á Seltjarnarnesi og Jón ritari styrktu hann til að fara til náms í lýðháskólann í Gausdal í Noregi. Hafði Guðmundur þá nýverið gefið út ljóðasafnið Fjóludalur og mun það hafa vakið athygli manna þar á meðal Jóns ritara. Dvaldist Guðmundur svo á Norðurlöngum allt til 1881 að hann kom heim. Á námsárunum í Noregi ritaði Guðmundur um Ísland í blöð og tímarit. Heimkomin tók Guðmundur til við kennslu og hélt tímaskóla og fyrirlestra víða við Eyjafjörð t.d. á Litlahamri, í Laufási og á Akureyri. Á sumrum gekk Guðmundur að slætti hjá séra Arnljóti Ólafssyni og fleirri bændum. Þessi ár sem Guðmundur var í Eyjafirði gaf hann út bækurnar Melablóm, Jökulrós og Dalarósir. Eins ritaði hann allnokkuð í Norðanfara, Fróða, Norðurljósið, Uppeldisritið og Austra. Árið 1903 hélt Guðmundur til Noregs og vegnaði þar ágætlega. Hélt hann 550 fyrirlestra í 170 ungmennafélögum og 50 fyrirlestra á 10 skólum. Talaði Guðmundur þar bæði um Íslensk- og almenn efni. Eins ritaði hann nokkuð um Ísland í norsk blöð og tímarit. Heimkomin settist Guðmundur að í Hafarfirði. Guðmundur andaðist árið 1919.

Product details:
Akureyri. Prentari Björn Jónsson, 1882.