Bókin - netbókabúð

Basil fursti. Eitraðir demantar # 66052 [Óbundin]

Verð:	1.900 kr.

Afgreiðslutími:
Tungumál:	Íslenska
Ástand:	Ágætt eintak.
Vörunúmer:	#66052

Innihald
Ævintýri Basils fursta. Eitraðir demantar. Spennusaga eftir Niels Meyn.
Basil fursti birtist fyrst í bók á íslensku árið 1939 hjá Sögusafni heimilanna sem Árni Ólafsson stóð að. Talið er að Páll Sveinsson, barnaskólakennari í Hafnarfirði, hafi íslenskað Basil fursta að mestu. Innihélt bókin sex sögur, bók númer tvö kom út 1940 og þriðja bókin árið 1941 og innihélt fimm sögur. Í beinu framhaldi af þessari útgáfu var farið að gefa út sérhefti með myndskreyttum kápum, í einum lit að jafnaði, og innihélt hvert hefti eina sögu. Fyrsta heftið hét Konuræninginn. Alls voru gefin út 52 hefti frá 1941 og til ársins 1947, að því talið er. Í seinasta heftinu sem kom út í þessari útgáfu, Tvíburasystrunum, gekk Basil fursti, sem var kunnur kvenhatari, í hjónaband og lauk ævintýrum hans að því loknu.
Kringum 1960 kom út þriðja útgáfan af Basil fursta, og var um að ræða endurprentun á sömu heftum og voru í bókunum annars vegar og hins vegar nokkrum lausum heftum, alls 23 hefti. Bláa þokan var fyrsta heftið af þeirri útgáfu og Gulldúfan númer 23. Síðan voru endurprentuð kringum 1970 tvö hefti af Basil fursta í nútímalegri útgáfu og eru þau almennt ekki hátt skrifuð af sönnum Basil fursta aðdáendum.

Um bókina
Reykjavík. Árni Ólafsson, Njálsgötu 74

Þeir sem keyptu þessa bók keyptu einnig

Basil fursti. Dularfulla múmíukistan # 75315

Basil fursti. Hættuleg hljómsveit # 70671

Sultur # 78503