Bókin.is - Bookshop

Lífgrös og leyndir dómar # 88534 [Forlagsband, kápa]

Our Price:	2.900 kr.

When dispatched:	1-3 dagar, að jafnaði.
Language:	Íslenska
Condition:	Sem nýtt eintak.
Product no.:	#88534

Contents:
Lífgrös og leyndir dómar. Lækningar, töfrar og trú í sögulegu ljósi. Eftir Ólínu Kjerúlf Þorvarðardóttur.
Frá örófi alda hefur fólk leitast við að ráða bót á sjúkdómum og kvillum, ekki síst með því að sækja í lyfjaskáp náttúrunnar, nota helga dóma og hluti sem áttu að hafa lækningakraft, fara með bænir, þylja særingar og styðjast við lækningabækur – sem stundum voru þó taldar galdraskræður og gat verið háskalegt að eiga.
Í þessari skemmtilegu og fræðandi bók eys Ólína Kjerúlf Þorvarðardóttir úr fróðleiksbrunnum fortíðarinnar, segir frá gömlum lækningaformúlum, aðferðum og læknisráðum sem sum þykja furðuleg í dag en önnur hafa sannað gildi sitt og tengjast nútíma læknavísindum. Í bókarauka er gerð ítarleg grein fyrir fjölda íslenskra lækningajurta og sagt frá því hvernig forfeður okkar notuðu þær til að bæta heilsu og græða mein manna.
Lífgrös og leyndir dómar er sjötta bók Ólínu. Hér nýtir hún sér aðferðir bókmenntafræði, sagnfræði, þjóðfræði, menningar og félagssögu til að nálgast læknisdóma liðinna alda.
Ólína Kjerúlf Þorvarðardóttir þjóðfræðingur er fædd í Reykjavík 1958. Hún lærði íslensku, þjóðfræði og heimspeki við Háskóla Íslands og lauk þaðan doktorsprófi árið 2000. Ólína hefur starfað sem frétta- og dagskrárgerðarmaður, skólameistari og háskólakennari. Hún var virk í stjórnmálum um árabil sem borgarfulltrúi og alþingismaður. Í frístundum er hún björgunarsveitarmaður og fararstjóri fyrir Ferðafélag Íslands.
Ólína hefur lengi fengist við ritstörf. Árið 1995 hlaut hún verðlaun í ljóðasamkeppni Listahátíðar Reykjavíkur. Ritsmíðar hennar eru fræði og skáldskapur, þýðingar og kennsluefni auk fjölmargra fyrirlestra og tímaritsgreina um trúarhætti, þjóðfræði og menningararf.

Product details:
Reykjavík. Vaka-Helgafell, 2019.

Customers who bought this product also purchased

Plöntuhandbókin # 82800

Grænmeti og ber allt árið # 83669

Ræktaðu garðinn þinn # 87887