Bókin.is - Bookshop

Frá Íslandi til Vesturheims # 87575 [Forlagsband, kápa]

Our Price:	2.900 kr.

When dispatched:	1-3 dagar, að jafnaði.
Language:	Íslenska
Condition:	Gott eintak.
Product no.:	#87575

Contents:
Frá Íslandi til Vesturheims. Saga Sumarliða Sumarliðasonar gullsmiðs frá Æðey. Hulda Sigurborg Sigtryggsdóttir tók saman.
Sumarliði Sumarliðason (1833-1925) frá Æðey við Ísafjarðardjúp, æskuvinur Matthíasar Jochumssonar skálds, braust til mennta af ótrúlegum dugnaði og lærði gullsmíði í Kaupmannahöfn. Kvæntist hann besta kvenkosti Vestfjarða, heimasætunni Mörtu í Vigur, gerðist óðalsbóndi þar og óþreytandi framfaramaður í öllum greinum. Fáir alþýðumenn á 19. öld lifðu jafn viðburðaríku lífi og Sumarliði. Lýst er hvernig hin glæsta draumsýn í Vigur hrynur út af alkóhólisma og lausung, hvernig Sumarliði berst við að höndla hamingjuna á nýjan leik uns hann, um fimmtugt, ákveður að flytjast til Ameríku með þriðju konu sína og ung börn og hefja þar nýtt líf. Sagnfræðingurinn Hulda Sigurborg hefur um árabil rannsakað ævi Sumarliða, byggða á yfirgripsmiklum dagbókum hans frá árunum 1851-1914. M.a. er greint frá afdrifum íslensku vesturfaranna, daglegu lífi þeirra, gleði og sorgum, og ekki síst hvernig þeim vegnaði í nýja landinu. Frásögnin er lífleg, grípandi og lýsir fjölbreyttu mannlífi og atorkusemi. Nefndir eru til sögunnar fjölmargir Íslendingar sem bjuggu í nágrenni við Sumarliða, lýst hvernig þeir hjálpuðu hver öðrum, hvernig þeir reyndu að halda í íslenskar siðvenjur en urðu smám saman að láta undan áhrifum hins nýja þjóðfélags. Sumarliði á fjölda afkomenda hér á landi og einnig vestanhafs. Bókin er myndskreytt og hefur hlotið lof gagnrýnenda. (Bókatíðindi 2002).

Product details:
Reykjavík. Hið íslenska bókmenntafélag. Sögufélag, 2002.