Bókin - netbókabúð

Goðsagnir heimsins í mynd og máli # 86352 [Forlagsband, kápa]

Verð:	4.900 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Gott eintak.
Vörunúmer:	#86352

Innihald
Goðsagnir heimsins í mynd og máli. Ritstjóri Roy Willis. Formálsorð eftir Robert Walter forseta Josep Campell stofnunarinnar. Ingunn Ásdísardóttir þýddi.
Öldum saman hafa goðsagnir heillað hugi manna. Þær eru sprottnar af ævafornri þrá mannkyns til að gefa lífi sínu merkingu, leita skýringa á fyrirbærum náttúrunnar, samhengi tilverunnar og hræringum sálarinnar. Goðsagnir eru mikilsverður efniviður í trúarbrögðum heimsins, þær eru uppspretta skáldskapar og myndlistar og tjá tilfinningar sem eru eiginlega öllum manneskjum – hvar á jörðinni sem þær búa.
Tuttugu sérfræðingar undir ritstjórn Dr. Roy Willis hafa lagt þessari bók til efni og styðjast þeir við umfangsmiklar rannsóknir síðustu ára á sviði mannfræði, trúarbragðasögu og goðsagnafræða. Efni er sett fram á ljósan og lifandi hátt svo að bæði má hafa fróðleik og skemmtun af frásögnunum. Í bókinni eru rúmlega fimm hundruð litmyndir auk landakorta og skýringarmynda, og ítarleg atriðisorðaskrá gerir bókina að handhægu alfræðiriti.
Í þessari miklu bók er lesandanum boðið í hnattferð þar sem skyggnst er inn í hvern hugmyndaheiminn af öðrum. Á vegi hans verða ekki aðeins almáttugir guðir og ægilegar gyðjur heldur líka varúlfar og hrímþursar, kíklópar og amasónur, galdramenn og seiðprestar. Það er sama hvert litið er, til Azteka og Inka, Egypta og Súmera, Grikkja og Rómverja, Kelta og Íslendinga, Afríkubúa og frumbyggja Eyjaálfur – alls staðar hafa menn mótað sinn sérstaka goðsagnaheim sem er engum öðrum líkur en minnir þó, þegar dýpra er skyggnst, á hugmyndir annarra manna frá allt öðrum heimshornum. (Káputexti).

Um bókina
Reykjavík. Mál og menning, 1998.