Bókin - netbókabúð

Heimilisiðnaðarmál # 34151 [Óbundin]

Verð:	6.900 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Gott eintak, áritað.
Vörunúmer:	#34151

Innihald
Heimilisiðnaðarmál. Fyrirlestur eftir Jón G. Sigurðarson bónda á Höfgörðum á Snæfellsnesi.
Fyrirlestur þessi var fluttur á búnaðarnámsskeiði á Stað í Ölduhrygg 4. apríl 1922 og síðar í Stykkishólmi, Reykjavík og á Seltjarnarnesi.
Jón bóndi í Hofgörðum hafði miklar áhyggjur af því að heimilisiðnaðurinn væri hverfandi og að leti og ómennska, iðjuleysi og úrræðaleysi, óhóf og munaður, yrði allmiklum hluta íslensku þjóðarinnar að fjörtjóni. Hann lýsir þjóðinni sem líkama þar sem einstaklingarnir eru líffærin og hætti þau iðju sinni þá veldur slíkt almennu böli, eymd og vesöld. Hann samsinnti Halldóru Bjarnadóttur um að í þéttbýlinu hefði iðjusemi landlýðsins hnignað og það stafaði mest af því að heimilisiðnaðinum hefði ekki verið haldið við. Fólki þætti það nærri því vansi og vansæmd að láta sjá sig við marga nytsama og heiðarlega heimilisvinnu. Allar frístundir væru notaðar til að sækja leikhús, kvikmyndasýningar, dansleiki, kaffihús og fleiri frístundir. Í fyrirlestrinum segir meðal annars; "Börnunum er síður haldið til vinnu en áður, þau venjast á iðjuleysi og verða því óhneigð til allra starfa. Flest eða alt er talið ofætlun fyrir þau fram yfir fermingu eða lengur. Þau mega eigi sitja yfir kindum úti í haga, af því að þeim kynni að leiðast, og að kemba ull, prjóna illeppa eða spinna ull, er of lítilfjörlegt fyrir ungar stúlkur nú á dögum. Þær eru því sendar í kaupstað að vetrinum til þess að læra og læra, en koma heim aftur eins og þær fóru, flestar ef ekki allar, að öðru en því, að þær una sér eigi lengur við hið einfalda sveitalíf og flytja því margar hverjar aftur í kaupstað, að minsta kosti til að vera þar öðrum þræði. Það má nú svo sem nærri geta, hvernig þessar kvensniftir muni haga uppeldi barna sinna þegar þær verða mæður, sem eru forlög flestra kvenna samkvæmt lögum náttúrunnar.”

Um bókina
Akureyri 1923.