Bókin - netbókabúð

Gerpla # 86083 [Kilja]

Verð:	2.900 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Gott eintak.
Vörunúmer:	#86083

Innihald
Gerpla. Skáldsaga eftir Halldór Kiljan Laxness. Þriðja útgáfa. Á vefnum www.gljufrasteinn.is segir svo um Gerplu:
"Gerpla er nútímaskáldsaga með yfirbragð íslenskra fornbókmennta hvað varðar efni, orðnotkun og stíl. Halldór nýtti sér m.a. Fóstbræðrasögu og þann hluta Heimskringlu Snorra Sturlusonar sem fjallar um Ólaf helga Haraldsson Noregskonung. Sagan er framan af háðsádeila sem stefnt er gegn hetju- og ofbeldisdýrkun hetjunnar, Þorgeirs Hávarssonar, og skáldsins, Þormóðs Kolbrúnarskálds, en þegar háðinu sleppir tekur harmleikurinn við. Samfélagi Íslendingasagna er ekki lýst sem glæstu tímabili í sögunni heldur sem tíma grimmdar og ofbeldis.
Þorgeir Hávarsson vill helst drepa sér til frægðar. Þormóður Bessason, síðar nefndur Kolbrúnarskáld, sveiflast milli ástkvenna sinna, leitar harmsins og ógæfunnar til að geta þjónað listinni. Ólafur digri Haraldsson tekur á sig mynd einræðisherra og harðstjóra. Skáldið hefur ort mikið ljóð um Ólaf Haraldsson og fær loksins tækifæri til að flytja honum kvæðið fyrir Stiklarstaðarorrustu en sér þá hvern mann konungurinn hefur að geyma og segist þá ekki muna lengur kvæðið.
Í Gerplu hæðist Halldór að hinni fornu hetjuhugsjón Íslendingasagna en boðskapur sögunnar beindist ekki síður að samtíma hans því að trú á vald og ofbeldi hefur löngum verið helsta bjargráð þeirra landstjórnarmanna sem ekkert óttast meira en þegna sína. Þeir sem vildu gátu séð þarna deilt á Hitler og Stalín - leiðtogadýrkun - en í bókinni upphefur skáldið einnig andstæðu þeirra samfélaga þar sem ríkja sterkir leiðtogar eða einræðisherrar. Slíkt fyrirmyndarsamfélag fann hann meðal inúíta á Grænlandi. Frumbyggjarnir þekkja ekki annað en að allir séu jafnir, lifi í sátt og samlyndi - og þeir hafa enga leiðtoga.

Um bókina
Reykjavík. Helgafell, 1956.

Þeir sem keyptu þessa bók keyptu einnig

Leigjandinn # 58236

Kristnihald undir Jökli # 84635

Brekkukotsannáll # 84856