Bókin - netbókabúð

Dýrafræði [Innbundin]

Verð:	34.600 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Gott eintak í ágætu samtíðar bandi.
Vörunúmer:	#3092

Innihald
Dýrafræði samin af Benedict Gröndal. Með 66 myndum.

Í formála segir Benedikt Gröndal m.a."Bók þessi er svo lítil, að í hana kemst ekki nema lítið eitt af því sem dýrafræðin fæst við; eg hefi víðast getið um hversu margar tegundir telist af hverri deild, og í sumum flokkum meðfram til að minna á hversu fátt hér standi."
Síðan rekur hann hverjar bækur hann hafi notað sér helztar til stuðnings samningunni. Nefnir þar bækur eftir Lütkens, troschel og Schmarda. S. Nilson um fugla norðurlanda og H. Kröyer um fiskana í Danmörku. Dýrafræði Tenneys og ferðabók Preyers og Zirkels. Ferðabækur Eggerts Ólafssonar, Mohrs og Fabers.
Í lok formála segir Gröndal: "Ég hefi einnig verið svo heppinn að fá bókina prentaða með fegra letri en fyr hefir verið hér á landi (það er hið sama letur sem bækur eru prentaðar með í hinni nafnfrægu Claredon-Press í Öxnafurðu; einmitt með þessu letri er prentuð dýrafræði Tenneys, í Nýju Jórvík; það gengur um alla Norður-Ameríku og England; og með því eru margar prakt-útgáfur prentaðar á Þýskalandi og í Danmörku) - og ágæta prentara og er þeim það ekki sízt að þakka að svo fáar prentvillur eru."

Um bókina
Reykjavík í Ísafoldarprentsmiðju og á hennar kostnað 1878. [2], xiv, 168 s. : myndir ; 21.