{"product_id":"fljotsdaela-mannlif-og-natturufar-45049-41264","title":"Fljótsdæla. Mannlíf og náttúrufar # 45049","description":"Fljótsdæla. Mannlíf og náttúrufar í Fljótsdalshreppi. Eftir Helga Hallgrímsson.\u003cbr\u003eFljótsdalur er ein fegursta og kostaríkasta sveit á Íslandi. Yfir dalnum gnæfir Snæfell í sinni tign, hæsta fjall landsins utan jökla. Stórárnar Keldá og Jökulsá falla um dalinn í fjölda mikilfenglegra fossa, sem hafa rýrnað eftir Kárahnjúkavirkjun. Óskertir eru þó tveir af hæstu fossum landsins, Hengifoss og Strútsfoss. Í botni dalsins er Lagarfljót. Sveitin er víða skógi vaxin og þar hófst bændaskógrækt fyrst hér á landi um 1970.\u003cbr\u003e\u003cbr\u003e\u003cbr\u003eLýst er landslagi og náttúrufari í hreppnum og getið ábúenda á hverri jörð frá um 1800 til vorra daga og sumsstaðar lengra aftur í tímann. Því næst er saga hreppsins rakin í nokkrum köflum frá landnámi til nútíma. Bókin er 543 bls., með nærri 700 myndum, þar af yfir 400 litmyndum. Fljótsdalshreppur styrkti útgáfuna rausnarlega.\u003cbr\u003e\u003cbr\u003e\u003cbr\u003eFljótsdalur er vettvangur helstu fornsagna Austurlands. Valþjófsstaður hefur frá 12. öld verið eitt mesta höfuðból landsins, kirkjustaður og prestssetur. Þar var í margar aldir „rauðviðarskáli“ og glæsileg stafkirkja með útskorinni hurð sem kennd er við staðinn, og prýðir nú sýningar Þjóðminjasafnsins. Í Végarði er miðstöð félagslífsins og gistihúsið Fljótsdalsgrund. Í Valþjófsstaðafjalli er stærsta vatnsvirkjun lands­ins, Fljótsdalsstöð.\u003cbr\u003e\u003cbr\u003e\u003cbr\u003eÁ Skriðuklaustri er Gunnarshús, sem á engan sinn líka hérlendis. Þar var munkaklaustur á fyrri hluta 16. aldar, síðan sýslumannssetur, á liðinni öld bústaður Gunnars skálds, þá tilraunastöð í búskap og loks Gunnarsstofnun og Snæfellsstofa. Á Brekku var læknissetur frá 18. öld og sjúkrahús á fyrri hluta síðustu aldar. Á Egilsstöðum er nýlega stofnað Óbyggðasetur, gistihús við Laugafell og timburvinnsla á Víðivöllum ytri.\u003cbr\u003e\u003cbr\u003e\u003cbr\u003eÁ 19. öld og lengur voru Fljótsdælir í fararbroddi í félagslífi og framkvæmdum, settu m.a. upp strengi til að flytja hey af fjöllum, byggðu kláfa og hengibrýr, og „straumferju“, þá einu sinnar gerðar á Íslandi. Ýmsar listir hafa blómgast í Fljótsdal, einkum tónlist og skáldlist. Gunnar Gunnarsson rithöfundur var fæddur þar og uppalinn fyrstu árin, var síðan bóndi á Klaustri 1939–1948, og Guttormur J. Guttormsson skáld í Kanada átti þar rætur, auk margra annarra skálda og rithöfunda.\u003cbr\u003e\u003cbr\u003e\u003cbr\u003eBókarhöfundur ólst upp í Fljótsdal, en hefur síðan 1987 verið búsettur í Egils­staðakaupstað og er nú rúmlega áttræður. Hann hefur áður samið bókina Lagarfljót – mesta vatnsfall Íslands, sem Skrudda gaf út 2005, í sama broti og Fljótsdæla, og tengist efni þeirra á ýmsan hátt.","brand":"Bókin.is","offers":[{"title":"Default Title","offer_id":51124831322440,"sku":"OSC-41264","price":6900.0,"currency_code":"ISK","in_stock":true}],"thumbnail_url":"\/\/cdn.shopify.com\/s\/files\/1\/0916\/4029\/9848\/files\/45049.jpg?v=1754788359","url":"https:\/\/www.bokin.is\/de\/products\/fljotsdaela-mannlif-og-natturufar-45049-41264","provider":"bokin.is","version":"1.0","type":"link"}