{"product_id":"centennial-tales-and-selected-poems-28646-27320","title":"Centennial Tales and Selected Poems # 28646","description":"Centennial Tales and Selected Poems. By Walter Kirkconnell.\u003cbr\u003e\u003cbr\u003eÍ Eimreiðinni 72.árg. birtist ritdómur um bók Walters Kirkconnell\u003ci\u003e Centennial Tales\u003c\/i\u003e. Það er dr. Richard Beck sem skrifar.\u003cbr\u003e\u003cbr\u003eDr. Watson Kirkconnell, er nýlega\u003cbr\u003elét af störfum sem rektor Acadia háskólans í Wolfville, Nova Scotia,\u003cbr\u003eCanada, er, eins og löngu er kunnugt,\u003cbr\u003eeinn hinn ágætasti vinur íslands og\u003cbr\u003eIslendinga í Vesturheimi, og hefur\u003cbr\u003esýnt það fagurlega í verki með ritstörfum\u003cbr\u003esínum um íslenzk efni.\u003cbr\u003e\u003cbr\u003eHann er maður víðmenntaður og\u003cbr\u003eóvenjulega mikilvirkur rithöfundur.\u003cbr\u003eHann er einnig prýðisgott skáld. Þá\u003cbr\u003eber þess eigi sízt að geta, hve fágætur\u003cbr\u003etungumálamaður hann er, og þurfa\u003cbr\u003emenn eigi annað en renna augum yfir\u003cbr\u003eumfangsmiklar og fjölbreyttar ljóðaþýðingar\u003cbr\u003ehans, til þess að sannfærast\u003cbr\u003eum það, hvert vald hann hefur á\u003cbr\u003efjölda mörgum og fjarskyldum tungumálum.\u003cbr\u003eOg er þá komið beint að\u003cbr\u003eþeirri bók hans, sem hér skal dregin\u003cbr\u003eathygli að með nokkrum orðum.\u003cbr\u003e\u003cbr\u003eHún er mikið rit að stærð, yfir 500\u003cbr\u003ebls. í stóru broti, en, eins og segir í\u003cbr\u003eformála hennar, inniheldur hún þó\u003cbr\u003eaðeins innan við helming frumortra\u003cbr\u003ekvæða höfundar og minna en einn\u003cbr\u003eþrítugasta hluta ljóðaþýðinga hans.\u003cbr\u003e\u003cbr\u003eRúmar 120 fyrstu bls. bókarinnar\u003cbr\u003eeru nærri eingöngu ný kvæði, eða öllu\u003cbr\u003eheldur heill kvæðaflokkur, undir heitinu\u003cbr\u003eCentennial Tales, flest ort 1964.\u003cbr\u003eEru yrkisefnin sótt í sögu Canada, og\u003cbr\u003ekvæðaflokkurinn ortur í tilefni af aldarafmæli\u003cbr\u003efylkjasambands Canada næsta\u003cbr\u003eár (1967). Þá eru hér einnig valin\u003cbr\u003ekvæði úr eldri og þekktustu kvæðaflokkum\u003cbr\u003eskáldsins, meðal annars úr\u003cbr\u003eljóðasagnabálki hans, The Flying Bull\u003cbr\u003eand Other Tales (1940), sem hlaut\u003cbr\u003emjög lofsamlega dóma á sínum tíma.\u003cbr\u003e\u003cbr\u003eEinn frásagnaþáttinn, „The Parson\\'s\u003cbr\u003eTale of the Gimli Prodigal\", lætur\u003cbr\u003eskáldið gerast í íslenzka landnáminu\u003cbr\u003eá þeim slóðum í Manitoba. Söguhetjan,\u003cbr\u003eÓlafur Helgason, er í byrjun\u003cbr\u003emjög í ætt við hinn glataða son, eins\u003cbr\u003eog fyrirsögn frásagnarinnar ber með\u003cbr\u003esér, og því illa séður og almennt álitið,\u003cbr\u003eað hans bíði algert skipbrot á ævinnar\u003cbr\u003eleið. Það fór þó annan veg, því að\u003cbr\u003eOlafur innti af hendi þá hetjudáð, þó\u003cbr\u003eað það kostaði líf sjálfs hans, að hann\u003cbr\u003ebjargaði frá drukknun keppinaut sínum\u003cbr\u003eí ástamálum og félögum hans.\u003cbr\u003eEkki veit ég annað en að frásögn þessi\u003cbr\u003esé skáldskapur einn, en hressileg er\u003cbr\u003ehún og hreimmikil. Sigrún hét hún,\u003cbr\u003esú hin fagra mær, sem Ólafur unni,\u003cbr\u003eog sérstaklega skemmtilegt er það, að\u003cbr\u003edr. Kirkconnell lætur hann yrkja til\u003cbr\u003ehennar þessa hringhendu:\u003cbr\u003e\u003cbr\u003e\u003cbr\u003eSigrun only do I sigh for,\u003cbr\u003e\u003cbr\u003eSadly raoan my low estate,\u003cbr\u003e\u003cbr\u003eSick and lone, true life I cry for.\u003cbr\u003e\u003cbr\u003eLove atones my evil fate!\u003cbr\u003e\u003cbr\u003e\u003cbr\u003eEr það sannarlega vel a£ sér vikið,\u003cbr\u003eað fara svo högum höndum um þann\u003cbr\u003efræga íslenzka bragarhátt á erlendri\u003cbr\u003etungu.\u003cbr\u003e\u003cbr\u003eEn fleira er það í þessari bók, sem\u003cbr\u003efsland snertir sérstaklega, og skal þar\u003cbr\u003efyrst getið hinnar fögru ljóðkveðju\u003cbr\u003ehöfundar til íslands Alþingishátíðarárið\u003cbr\u003e(„Althing, 1930\"), en henni sneri\u003cbr\u003edr. Sigurður Júlíus Jóhannesson ágætlega\u003cbr\u003eá íslenzku (Sjá Ljóð hans, Reykjavík\u003cbr\u003e1950).\u003cbr\u003e\u003cbr\u003eí þessari nýju bók dr. Kirkcomiells\u003cbr\u003eer einnig víðtækt úrval úr ljóðaþýðingum\u003cbr\u003ehans, er áður höfðu komið í\u003cbr\u003eeldri þýðingasöfnum hans, meðal\u003cbr\u003eþeirra eru eftrfarandi þýðingar hans\u003cbr\u003eúr íslenzku: „Þrymskviða\". „Tristrams\u003cbr\u003ekvæði\", „Hvar eru fuglar, þeir á\u003cbr\u003esumri sungu\", eftir Steingrím Thorsteinsson,\u003cbr\u003e„Þó þú langförull legðir\",\u003cbr\u003eeftir Stephan G. Stephansson, „Ég\u003cbr\u003esigli í haust\", eftr Davíð Stefánsson\u003cbr\u003efrá Fagraskógi, kaflar úr „Á ferð og\u003cbr\u003eflugi\", eftir Stephan G., „Gamla húsið\",\u003cbr\u003eeftir Kristinn Stefánsson, „Býflugnaræktin\",\u003cbr\u003eeftir Guttorm J. Guttormsson,\u003cbr\u003eog „Sumarlok\", eftir Einar PJónsson.\u003cbr\u003eNokkrar vísur eru felldar Úr\u003cbr\u003eí sumum þessum kvæðum. Loks eru\u003cbr\u003ehér þýðingar tveggja lausavísna eftir\u003cbr\u003eþá Stephan og Guttorm. Yfirleitt eru\u003cbr\u003ekvæði þessi vel þýdd og svvm þeirra\u003cbr\u003eágætlega.\u003cbr\u003e\u003cbr\u003eRík skáldgáfa dr. Kirkconnells, sem\u003cbr\u003elöngu er viðurkennd af kanadiskum\u003cbr\u003eog öðrum ritdómurum, lýsir sér vel í\u003cbr\u003efrumortu kvæðunum í þessari bók;\u003cbr\u003eljóðaþýðingar hans bera einnig vitni\u003cbr\u003emikilli leikni hans í meðferð ensks\u003cbr\u003emáls, sem oft er með hreinasta snilldarbrag.\u003cbr\u003eBókin er hin prýðilegasta að ytn\u003cbr\u003ebúningi; aftan við hana er skrá yfir\u003cbr\u003efrumortar og þýddar ljóðabækur höfundar,\u003cbr\u003eog mörg þau tímarit, sem birt\u003cbr\u003ehafa kvæði hans.","brand":"Bókin.is","offers":[{"title":"Default Title","offer_id":51125611856200,"sku":"OSC-27320","price":9500.0,"currency_code":"ISK","in_stock":true}],"thumbnail_url":"\/\/cdn.shopify.com\/s\/files\/1\/0916\/4029\/9848\/files\/28648.jpg?v=1754812359","url":"https:\/\/www.bokin.is\/products\/centennial-tales-and-selected-poems-28646-27320","provider":"bokin.is","version":"1.0","type":"link"}