{"product_id":"eins-og-gengur-84716-44212","title":"Eins og gengur # 84716","description":"Eins og gengur. Æviminningar Sigurðar Thoroddsen. Halldóra Thoroddsen bjó til prentunar.\u003cbr\u003eSigurður Thoroddsen verkfræðingur fæddist á Bessastöðum á Álftanesi, en þangað höfðu foreldrar hans, Theódóra og Skúli, flutt frá Ísafirði þar sem Skúli var sýslumaður og kaupmaður. Skúli var þó kunnari fyrir þingmennsku og ritstjórn Þjóðviljans eldri.\u003cbr\u003eSigurður gekk í Landakotsskóla og síðar í Menntaskólann í Reykjavík. Þaðan útskrifaðist hann stúdent árið 1919, á sautjánda ári.\u003cbr\u003e\u003cbr\u003e\u003cbr\u003eEftir eins árs nám í heimspeki við Háskóla Íslands fór Sigurður til Kaupmannahafnar, las verkfræði og lauk prófi árið 1927.\u003cbr\u003e\u003cbr\u003e\u003cbr\u003eEkki var um auðugan garð að gresja í atvinnumálum verkfræðinga hér á landi þegar hann kom heim úr námi. Sigurður vann ýmis verk, gerði úttekt á hafnarstæðum á Norð-Austurlandi, vann við athuganir á virkjanamöguleikum og var starfsmaður Vitamálastofu í fjögur ár.\u003cbr\u003e\u003cbr\u003e\u003cbr\u003eHann stofnaði eigin verkfræðistofu vorið 1932, Verkfræðistofu Sigurðar Thoroddsen, sem var fyrsta verkfræðistofa landsins. Reksturinn fór rólega af stað, en frá stríðslokum óx hann hratt.\u003cbr\u003e\u003cbr\u003e\u003cbr\u003eSigurður var mikill áhugamaður um virkjanir og hannaði m.a. vatnsaflsvirkjanir á Eiðum og í Hallormsstað. Á norrænni ráðstefnu árið 1952 kynnti hann fyrstu yfirlitsáætlun sína um vatnsafl á Íslandi.\u003cbr\u003e\u003cbr\u003eHann sat í fjögur ár á alþingi fyrir Sósíalistaflokkinn og lét sig raforkumál mestu varða.\u003cbr\u003e\u003cbr\u003e\u003cbr\u003eSigurður Thoroddsen sat í raforkuráði, náttúruverndarráði, ráðgjafarnefnd í virkjunarmálum og útboðsnefnd. Þá sat hann um tíma í stjórn Landsvirkjunar og í raforkunefnd.\u003cbr\u003eHann lét sig náttúruverndarmál miklu varða og ritaði grein í Tímarit verkfræðinga árið 1955 um mikilvægi náttúruverndar. Þar segir hann m.a. að verkfræðingum beri \"beinlínis skylda til að sjá um að mannvirkjagerð sé svo af höndum leyst, að sem til minnstra lýta verði í landslagi, því ef svo verður, er gengið á rétt almennings, en heill hans á verkfræðingurinn að bera fyrir brjósti ...\"","brand":"Bókin.is","offers":[{"title":"Default Title","offer_id":51124262568264,"sku":"OSC-44212","price":2900.0,"currency_code":"ISK","in_stock":true}],"thumbnail_url":"\/\/cdn.shopify.com\/s\/files\/1\/0916\/4029\/9848\/files\/84716.jpg?v=1754781114","url":"https:\/\/www.bokin.is\/products\/eins-og-gengur-84716-44212","provider":"bokin.is","version":"1.0","type":"link"}