Bókin.is - Bookshop

Ferðabók Ólafs Olavius # 83572 [Forlagsband, kápa]

Our Price:	6.900 kr.

When dispatched:	1-3 dagar, að jafnaði.
Language:	Íslenska
Condition:	Gott eintak.
Product no.:	#83572

Contents:
Ferðabók. Landshagir í norðvestur-, norður- og norðaustursýslum Íslands 1775-1777. Ásamt ritgerðum Ole Henckels um brennisteinsnám og Christian Zieners um surtarbrand. Tekið hefir saman Ólafur Olavius. Steindór Steindórsson frá Hlöðum íslenzkaði.
Ólafur Ólafsson (eða Ólafur Olavius) (1741-1788) var rithöfundur, útgefandi og fræðimaður. Hann var lengstum búsettur í Danmörku.
Ólafur fæddist á Eyri í Seyðisfirði í Norður-Ísafjarðarsýslu. Hann var Ólafsson en latínuseraði nafn sitt að lærðra manna sið þeirra tíma. Olavius brautskráðist úr Skálholtsskóla og réðst til læknanáms hjá Bjarna Pálssyni, landlækni 1762. Hann hóf Háskólanám í Kaupmannahöfn 1765 og brautskráðist með Bachalárspróf í heimspeki árið 1768.
Ólafur skrifaði einkum rit og bækling á sviði athafnalífs til þess að hvetja Íslendinga til aukins framtaks. Merkustu rit hans eru Ökonomisk Reise igiennem Island, þar sem atvinnuháttum Íslendinga á seinni hluta 18. aldar var lýst. Ólafur var meðal stofnenda Lærdómslistafélagsins. Hann stofnaði og prentsmiðju í Hrappsey á Breiðafirði sem var fyrsta prentsmiðja á landinu sem fékkst við útgáfu á veraldlegum bókmenntum.
Ingibjörg, systir Olaviusar var amma Jóns Sigurðssonar forseta.

Product details:
Reykjavík. Bókfellsútgáfan, 1964-1965.