Contents:
Maddama, kerling, fröken, frú. Konur í íslenskum nútímabókmenntum. Eftir Soffíu Auði Birgisdóttur. Silja Aðalsteinsdóttir ritar formála.
Maddama, kerling, fröken, frú hefur að geyma 31 grein eftir Soffíu Auði Birgisdóttur frá 31 ári (1988–2019) þar sem rýnt er í kvenlýsingar í verkum íslenskra rithöfunda.
Hér er fjallað um verk eftir Halldór Laxness, Herdísi Andrésdóttur, Elínu Thorarensen, Svövu Jakobsdóttur, Fríðu Á. Sigurðardóttur, Álfrúnu Gunnlaugsdóttur, Steinunni Sigurðardóttur, Ingibjörgu Haraldsdóttur, Ágústínu Jónsdóttur, Kristínu Marju Baldursdóttur, Vigdísi Grímsdóttur, Þórunni Erlu-Valdimarsdóttur, Kristínu Ómarsdóttur, Hallgrím Helgason, Mikael Torfason, Diddu, Steinar Braga, Auði Jónsdóttur, Vilborgu Davíðsdóttur, Oddnýju Eir Ævarsdóttur, Lindu Vilhjálmsdóttur, Gerði Kristnýju, Elísabetu Kristínu Jökulsdóttur og Yrsu Þöll Gylfadóttur.
Maddama, kerling, fröken, frú bregður upp lystilegri og spennandi mynd af konum á öllum aldri eins og þær birtast í íslenskum nútímabókmenntum.
|
