Bókin - netbókabúð

Sögukaflar og kvæði # 88000 [Óbundin]

Verð:	9.500 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Gott eintak, áritað.
Vörunúmer:	#88000

Innihald
Sögukaflar og kvæði eftir Guðmund Haraldsson.

Guðmundur Haraldsson fæddist í Merkisteini á Eyrarbakka 4. maí 1918. Foreldrar hans voru Haraldur Guðmundsson frá Stóru-Háeyri á Eyrarbakka, afkomandi Þorleifs ríka á Háeyri, og kona hans, Þuríður Magnúsdóttir frá Árgilsstöðum í Rangárþingi. Guðmundur var sjómaður og verkamaður til rúmlega fimmtugs, en gerðist þá rithöfundur og gaf út margvísleg rit með þáttum, frásögnum og kvæðum. Guðmundur Haraldsson lést í Reykjavík 1995.

Guðmundardrápa Haraldssonar

Guðmundur með gæði fín,
gáfnaflóð úr augum skin.
Hans eru ljóðin hrein sem lín,
og höfug eins og eðalvín.

Guðmundur með geislakrans,
gáfumaður þessa lands.
Sínum geiri Brjótur brands
beinir að liði andskotans.

Jafnan yrkir Gvendur greitt,
glitrar í hendi stílvopn beitt.
Hefur margan svannan seitt,
og sefur hjá þeim yfirleitt.

Þó Guðmundur sé leggjalár,
og logi í djúpi undin sár.
Aldrei haggast kappinn klár.
Kneifar hann glaður vínsins tár.

Þegar skáldið greip í glas,
glaðlegt hafði uppi mas.
En kæmist hann í þrálátt þras,
þrælum reiðipistil las.

Skal nú ljúka ljóðasmíð,
laufgist björk í skáldsins hlíð,
Vefjist um þig velsæld blíð,
vinur minn á hverri tíð.

Guðm. Ágústsson.

Um bókina
Reykjavík. Gefið út á kostnað höfundar 1982.