Íslenskar kynjaskepnur # 89509

Íslenskar kynjaskepnur. Eftir Jón Baldur Hlíðberg og Sigurð Ægisson.

Íslenskur þjóðsagnaarfur geymir aragrúa frásagna um furðudýr og ferlegar ófreskjur. Þessar skepnur skutu landsmönnum skelk í bringu á fyrri öldum en næsta hljótt hefur verið um þær upp á síðkastið, flestar alla vega.

Í bókinni eru rifjaðar upp helstu þjóðsögur og sagnir um þessi kynjadýr og meðal annars stuðst við fjölda munnlegra heimilda. Skepnunum og sérkennum þeirra eru gerð nákvæm og glögg skil í texta og birtingastaðir sýndir á korti. Loks varpa einstæðar myndir nýju ljósi á þennan merkilega þátt í þjóðarsögunni.

Jón Baldur Hlíðberg myndlistarmaður er löngu landskunnur fyrir dýrafræðimyndir sínar sem prýtt hafa fræðirit og margvíslegt fræðsluefni á undanförnum árum. Hér spreytir hann sig á nýjum vettvangi. Sigurður Ægisson er þjóðfræðingur og guðfræðingur að mennt og hefur í gegnum tíðina skrifað jöfnum höndum um náttúrufræði, þjóðfræði og guðfræði.