Kommúnisminn. Sögulegt ágrip # 89578

 Kommúnisminn. Sögulegt ágrip. Eftir Richard Pipes. Jakob F. Ásgeirsson og Margrét Gunnarsdóttir þýddu.
 Í bókinni er lýst fræðilegum grunni kommúnismans, fjallað um fyrstu hugmyndir um eignalaust samfélag og hvernig kommúnisminn varð að fræðikenningu um afnám séreignarréttarins og vopnaða byltingu. Rakin er saga kommúnismans í Rússlandi og fjallað um stjórnarhætti Leníns og Stalíns, samyrkjuvæðinguna, ógnina miklu, hnignun kommúnistastjórnarinnar og fall hennar í Evrópu. Lýst er sögu kommúnismans á heimsvísu, útbreiðslu hans til Kína og þróunarlanda, viðtökum hans á Vesturlöndum og kalda stríðinu. Loks er reynt að grafast fyrir um hvers vegna kommúnisminn mislukkaðist og gerð grein fyrir þeim mannfórnum sem kommúnisminn kallaði yfir heimsbyggðina á 20. öld. (Bókatíðindi 2005).