Tákn og undur # 89581

Tákn og undur. Eftir Halldór S. Gröndal.
Halldór S. Gröndal var prestur. Hann kom seint til starfa í prestastétt, hafði áður haslað sér völl sem veitingamaður og náð góðum árangri í því starfi. Í upphafi bókarinnar greinir hann frá, hvað varð þess valdandi, að hann söðlaði um. Hann var í alvarlegri lífskreppu og hafði misst lífslöngunina. Í neyð sinni minntist hann þess, að gott gæti verið að biðja til Guðs. "Allt í einu bað ég: Guð, ef þú ert til, þá hjálpaðu mér. Annað gat ég ekki sagt ... Þá gerist nokkuð. Ég heyrði rödd. Hvaðan hún kom, veit ég ekki ... En röddin sagði: Halldór, þetta eru ekki endalokin, heldur byrjun á nýju lífi með m ér. Síðan kom eitthvað yfir mig og því fylgdi mikill friður, gleði og vellíðan. Batinn kom fljótt. Gangan með Guði var hafin og á henni kom sterk köllun að vera þjónn hans."