Fagur er dalur # 67597

Fagur er dalur. Ljóð eftir Matthías Johannessen.
Gott eintak, áritað.


Myndspá



Það er tunglskin.

Nóttin er heit í hjarta þínu,

vatnið tært í augum þínum.

Og það er logn.



Tunglið glampar

í vatnsborðinu,

teygir hvíta hönd

að hamrinum.



Í læstri kistu

liggur þar fjársjóðurinn,

hver á silfrið og perlurnar

í hjarta þínu.



Þegar þú brosir

finnst mér veggurinn opnast

og ég mega ganga í sjóðinn,

þrá þína, drauma.



En þá er eins og kuli

í augum þínum,

nóttin sem var ljósstöfuð

leggst að lokuðum hamri.



Ég finn kulið í myrkrinu,

það ýfir hár þitt

og gárar vatnskalda þögnina

á millum okkar.



Og nú er ekkert tunglskin lengur

– andlit þitt horfið,

horfið í svarta móðu –

andlit þitt.