Bónus ljóð # 49838

Bónus ljóð eftir Andra Snæ Magnason.

Bónusljóð lýsa guðdómlega gleðilegu ferðalagi í gegnum undraveröld nútíma stórverslunar.
Ferðin hefst í aldingarðinum (grænmetisdeildinni) með öllum forboðnu ávöxtunum. Fljótlega færist leikurinn þó í niflheim niður (frystikistur og kæligeymslur) en þaðan er lesanda svipt í hvítum stormsveip inn í hinn ógurlega hreinsunareld (hreinlætisvörurnar).
Káputexti

Hér drýpur smjör

úr hverri hillu

ég geng um ganga

með lokuð augu

og útréttar hendur

og þreifa á

banana og ananas

radísum og rófum

agúrkum og avocado



kerran fyllt af sumri og sól

í öllum regnbogans litum.



Eva í aldindeildinni

freistast til að bíta

í safaríkt epli

á sértilboði



grunlaus



um alsjáandi auga

myndavélarinnar.