Dagsbrún # 75125

Dagsbrún. Söngvar og kvæði eftir Jónas Guðlaugsson.


Suðrænar rósir



Mig dreymir um rauðar rósir,

rósir, sem fæðast undir eldheitri sól,
svo rauðar sem blóð,
svo heitar sem blóð
úr hjarta, sem titrar af ást og löngun til lífsins.

Suðrænu, rauðu rósir!
veikar og heitar og fæddar til augnabliks yndis,
ég vil teyga´ ykkar ilm
og eldin rauða
sjúga þyrstu í sál mína inn,
ykkar brennandi blóð,
sem er banvænna en eitur,
og kasta ykkur fölnuðum frá mér.

Og þegar hin suðræna sól
tendrar funandi bál af fölnuðum blöðum
og frjógvar þá jörð,
sem fæðir nýjar og fegurri rósir,
skar bjarminn af ykkar eldför stíga
til hins ískalda norðurs
og sindra sem óður
um eld og blóð
og suðrænar rauðar rósir.

Suðrænu rósir!


Í fjarlægð ég sé ykkur,


úr fjarlægð þið storkið


með ilmþungum krónum og brennandi

blöðum,


sem ég aldrei get náð,


sem ég aldrei get kyst


og kastað svo fölnuðum frá mér.