Fagurt er í Fjörðum # 88723

Fagurt er í Fjörðum. Þættir Flateyinga og Fjörðunga. Jóhannes Bjarnason tók saman og skráði. 
Þetta er fróðleg, skemmtileg og falleg bók, sem lýsir mannlífinu í þessum byggðum, sem nú eru farnar í eyði, eins og það var. Fyrr á tímum var þar fjölmenni og fólk barðist hetjulegri baráttu við óblíð náttúruöfl og erfiðar samgöngur, en allir komust þá allvel af á þeirrar tíðar mælikvarða. Margir leggja leið sína á sumri hverju til þessara byggða og eiga þar fastar rætur. Þótt enginn hafi þar fasta búsetu lengur er eitt sem ekkert hefur breyst, það er alltaf fagurt í Fjörðum. - Um 900 myndir eru í bókinni, þar á meðal myndir af teikningum Gríms Sigurðssonar frá Jökulsá af gömlu bæjunum í Flatey, Fjörðum og Flateyjardal. (Káputexti).