Fiðlur og tónmannalíf í Suður-Þingeyjarsýslu # 88724

Fiðlur og tónmannalíf í Suður-Þingeyjarsýslu. Garðar Jakobsson og Páll H. Jónsson tóku saman. 
Þegar skrifað er um menningarvakningu Þingeyinga á nítjándu öld er sjaldan rætt um einstæað tónlistarvakningu í héraðinu. Höfundar þessarar bókar, Páll H. Jónsson og Garðar Jakobsson höfðu um margra ára skeið stundar athuganir á þessum þætti menningar í heimasveitum sínum og í þessari bók birtast niðurstöðurnar af könnunum þeirra.
Páll skrifaði yfirlitsritgerð um tónlistarsögu 19. og 20. aldar í Suður-Þingeyjarsýslu, rakti þar hræringar og sögu einstaklinga í því sambandi. Ritgerð sína byggði hann meðal annars á mörgum einkabréfum frá þeim sem gerst máttu muna.
Garðar Jakobsson hefur ferðast um allar sveitir suðursýslunnar og leitað uppi fiðlur og sagnir af fiðlum sam þar hafa verið til. Fjöldinn reyndist ótrúlegur og í sumum sveitum jafnvel hægt að kalla að fiðla hafi verið til á hverjum bæ. Garðar skýrir einnig í frásögn sinni hvernig þráðurinn hefur rakið sig frá frumkvöðlunum, Voga-Jóni og Arngrími málara. (Káputexti).