Grafarinn með fæðingartengurnar # 53358

Grafarinn með fæðingartengurnar. Ljóð eftir Hrafn Gunnlaugsson.


Við, um okkur, frá okkur...



Tölum ekki um kynslóð okkar.

Við höfum ekki tíma til þess.

Ekkert er jafn þreytandi og að hvíla sig

Ekkert er jafn stressandi og að slappa af.

Leiðinlegt að skemmta sér.

Einmannaleikinn ægilegur í fjölmenni.

Sorgin sárasta hamingjan.

Ef við eigum ekki erfiðleika

Að berjast við

Þá búum við þá til.


Að lifa af lífið er þrekraun.

Stríð hugans

eru oft miklu ægilegri

en þau sem geysa

Á vígvöllunum.

Hrökkvi tíminn í baklás

höfum tíma til

Að taka eftir tímanum;

þá einbeitum við okkur

að sjálfsmorðum

eða reynum

þanþol kynlífsins



Þvælum út orðinu tími

af ótta við tímann.

Notum það í öllum merkingum.

Spurningin er að tíma

og spara ekki neitt,

Segjum:

Ég hef sigrað tímann tímanlega,

Því tímanns vegna hefði ég ekki tíma

Til að fyrirbyggja sjálfan mig

Í tíma – en nú er ráð í

Tíma tekið!!! Þannig

Bjarga spakmælin manni alltaf út úr tímabundnum

Vandræðum!