Lúðvík Norðdal Davíðsson # 88782

Lúðvík Norðdal Davíðsson. Læknir á Eyrarbakka og Selfossi - æviágrip. Lýður Pálsson tók saman. Yfirlestur handrits: Ólafur Börkur Þorvaldsson, Ástríður Thorarensen, Davíð Oddsson, Lúðvík Ólafsson, Hannes Stefánsson og Þorsteinn Tryggvi Másson.
Lúðvík D. Norðdal fæddist í Eyjarkoti á Skagaströnd í Austur-Húnavatnssýslu 6. júlí 1895 sonur fátækra hjóna. Hann kvæntist Ástu Jónsdóttur og þau eignuðust þrjú börn. Lúðvík varð læknir á Eyrarbakka 1922 en á Selfossi 1945 og út starfsævina. Hann var læknir á breytingatímum, starfsskilyrði hans voru frumstæð í fyrstu og varð stundum að gera vandasamar skurðaðgerðir í heimahúsum. Ferðamátinn var í fyrstu hesturinn en síðan komu bifreiðar til sögunnar. Lúðvík naut trausts meðal skjólstæðinga sinna og sýndi þrautsegju og dugnað við erfið skilyrði. Hann var þátttakandi í sunnlensku mannlífi af lífi og sál. Lúðvík lét af störfum sökum heilsubrests árið 1954 og lést 27. janúar 1955 í Reykjavík aðeins 59 ára að aldri. (Káputexti).