Möttull konungur eða Caterpillar # 58510
- Regular
- 3,900 kr
- Sale
- 3,900 kr
- Regular
Sold Out
- Unit Price
- per
Möttull konungur eða Caterpillar. Saga úr sveitinni eftir Þorstein frá Hamri.
Allt sem til framfara, framvindu og framþróunar horfði var hugleikið Möttli konungi, og hélt hann sífellt úti njósnum um tól og tæki er að gagni mættu koma í hernaði, orkurækt og öðrum samfélagsumbótum. Þar var maður sem ekki fór aftur á bak. Sagt er að í tilraunum sínum með apparöt hafi hann eytt byggðir að fólki og fénaði, og um það bil er konungur lézt lífdagasaddur með gæfuríkan framþróunarferil að baki var Heljarhöfði flag eitt að sjá ef menn skyggndust inn fyrir skíðgarðinn; lágu í rofunum ryðguð skófluskrímsl, en gufur með óþefjan stigu upp af moldinni sem í tórðu fáeinar forljótar pöddur.
Fuglinn Skeri lifði lengur. Hann gekk að erfðum og öðlaðist sjálfstætt líf í hugum margra kynslóða, svo sem títt er um sjúk hugarfóstur. Fuglinn Skeri, skepnan þessi sem Möttull konungur magnaði í forneskju handa þegnum sínum að hræðast, svo hann héldi betur illa fengnum auði og tign undir Heljarhöfða, hann var fluttur hingað yfir úfin höf af Hrosskatli landnámsmanni og feðrum okkar, hásetum hans. Fuglinn Skeri dafnaði í hugum manna eins og fáránlegt orðspor úr lélegu dagblaði. Hann flögraði út úr illum draumum og varð næstum veruleiki í leikjum barna. Fuglinn Skeri, sögðu fornar ömmur og gripu fegins hendi við refsipúkanum: Illur fugl fuglinn Skeri – áþekkt og síðar var sagt á ákveðnum heimilum við unglinga: Frægir menn fyrir grimmd og ofstopa, Ólafur Friðriksson, Einar, Kiljan og Brynjólfur. Öldruð röddin varð óvenju sprök og nornarleg þegar þær tóku sér í munn heiti heljarfuglsins: Ég fer nærri um hvað sá fugl hefst að. Forðizt fuglinn Skera.
Allt sem til framfara, framvindu og framþróunar horfði var hugleikið Möttli konungi, og hélt hann sífellt úti njósnum um tól og tæki er að gagni mættu koma í hernaði, orkurækt og öðrum samfélagsumbótum. Þar var maður sem ekki fór aftur á bak. Sagt er að í tilraunum sínum með apparöt hafi hann eytt byggðir að fólki og fénaði, og um það bil er konungur lézt lífdagasaddur með gæfuríkan framþróunarferil að baki var Heljarhöfði flag eitt að sjá ef menn skyggndust inn fyrir skíðgarðinn; lágu í rofunum ryðguð skófluskrímsl, en gufur með óþefjan stigu upp af moldinni sem í tórðu fáeinar forljótar pöddur.
Fuglinn Skeri lifði lengur. Hann gekk að erfðum og öðlaðist sjálfstætt líf í hugum margra kynslóða, svo sem títt er um sjúk hugarfóstur. Fuglinn Skeri, skepnan þessi sem Möttull konungur magnaði í forneskju handa þegnum sínum að hræðast, svo hann héldi betur illa fengnum auði og tign undir Heljarhöfða, hann var fluttur hingað yfir úfin höf af Hrosskatli landnámsmanni og feðrum okkar, hásetum hans. Fuglinn Skeri dafnaði í hugum manna eins og fáránlegt orðspor úr lélegu dagblaði. Hann flögraði út úr illum draumum og varð næstum veruleiki í leikjum barna. Fuglinn Skeri, sögðu fornar ömmur og gripu fegins hendi við refsipúkanum: Illur fugl fuglinn Skeri – áþekkt og síðar var sagt á ákveðnum heimilum við unglinga: Frægir menn fyrir grimmd og ofstopa, Ólafur Friðriksson, Einar, Kiljan og Brynjólfur. Öldruð röddin varð óvenju sprök og nornarleg þegar þær tóku sér í munn heiti heljarfuglsins: Ég fer nærri um hvað sá fugl hefst að. Forðizt fuglinn Skera.