Nýtt fólk # 49139

Nýtt fólk. Þjóðerni og verkalýðsstjórnmál 1901-1944. Eftir Ragnheiði Kristjánsdóttur.
Myndun íslensks þjóðríkis var fyrirferðamesta viðfangsefni stjórnmálanna á upphafsárum verkalýðshreyfingarinnar. Takmarkaði það svigrúm hennar á stjórnmálasviðinu, eða jók það slagkraft hennar? Hvernig mótaði orðræða sjálfstæðisbaráttunnar sjálfsmynd íslensks verkafólks? Að hvaða marki streittist það á móti eða hafði áhrif á þróun íslenskrar þjóðernisstefnu? Hvernig tengdist tjórnmálaorðræða verkalýðsflokkanna, sem að stofninum til var sósíalísk, og þjóðernisorðræðan? Hvaða hlutverki gegndu verkalýðsflokkarnir í myndun íslenska þjóðríkisins? Í bókinni er leitað svara við þessum spurningum. Markmiðið hennar er að gera grein fyrir eðli og þróun þeirrar þjóðernishyggju sem greina má í stjórnmálaorðræðu íslenskrar verkalýðshreyfingar og þeirra flokka sem stofnaðir voru í hennar nafni á árunum 1901–1944. (Bókatíðindi 2008).