Örlög orðanna # 59052

Örlög orðanna. Þættir um íslenzk orð og orðtök. Eftir Halldór Halldórsson.
Höfundur þessarar bókar, dr. Halldór Halldórsson, er þjóðkunnur maður af kennslustarfi sínu, málfræðirannsóknum og ritstörfum. Að loknu háskólanámi gerðist hann kennari í íslenzku við Menntaskólann á Akureyri, en var síðar dósent og síðar prófessor við Háskóla Íslands. Meðfram kennslunni vann hann jafnan að samningu kennslubóka og rannsóknum á sviði íslenzkrar málfræði. Höfuðverk hans á því sviði er Íslenzk orðtök, er hann hlaut doktorsnafnbót fyrir og kom út í bókarformi 1954. Síðan Halldór tók við Háskólakennslu hefur hann stöðugt haldið rannsóknum sínum áfram og að staðaldri skrifað fyrir blöð og tímarit eða flutt útvarpsþætti um íslenzkt mál. (Káputexti).