Íslenskar úrvalsstökur # 47900

Íslenskar úrvalsstökur. Guðmundur Andri Thorsson valdi.
Um aldir hefur stakan verið helsta bókmenntaform Íslendinga, svo yfirlætislaus og samgróin daglegu lífi að þeir hafa varla tekið eftir því sjálfir. Aðferð hennar við að meitla hugsun sína í nokkrar línur undir ströngu formi þar sem reynir á orðsnilld og hugkvæmni þróaðist hér í fásinninu svo að jafnvel má tala um þjóðaríþrótt. Óhætt er að kalla stökuna séríslenskt ljóðform – rétt eins og við tölum til dæmis um japanska hæku og limrur frá Limerick. Kannski er stakan helsta framlag Íslendinga til heimsbókmenntanna og heimsbyggðin mun aldrei frétta af því vegna þess hversu bundið formið er málinu. Það er skemmtileg tilhugsun.