Sterkir stofnar # 73209

Sterkir stofnar. Þættir af Norðlendingum. Björn R. Árnason tók saman. Kristján Eldjárn ritar formála.

í Sterkum stofnum eru 44
þættir eða greinar um einstaka
menn eða ættir. Nær undantekningarlaust
er um sveitunga
Björns, Svarfdæli, að ræða. Flest
hefur það fólk, sem um er rætt,
verið uppi á síðustu öld eða þá
þessari, en ættir eru víða raktar
langt fram í aldir, svo að
sennilega geta Svarfdælir flestir
lært þarna drjúgan kafla ættartölu
sinnar. Þeir, sem Björn hefur
einkum tekið til meðferðar,
eru karlar og konur, sem á einhvern
hátt hafa sýnt meiri mannkosti
eða hæfileika en allur
fjöldinn, skarað fram úr á einhverju
sviði eða verið sérkennilegir
en þó mikilhæfir, sem sagt
sterkir stofnar. Og sterka stofna
hefur Björn fundið marga í
Svarfaðardal.

„Þrátt fyrir ölgirni Jóns og
nautnafar, var hann maður óslysinn,
og lukust ferðir hans farsællega.
Kom þar á stundum, að Jón
var kvaddur til farar, ef torveldi
þótti á vera, en mikið í húfi að
vel mætti takast. Barg honum svo manndómur og hamingja."