Sunnan Vatnajökuls. Frá Núpsstað til Suðursveitar # 85379

Sunnan Vatnajökuls. Frá Núpsstað til Suðursveitar. Höfundar eru Hjörleifur Guttormsson náttúrufræðingur, Snævarr Guðmundsson náttúrulandfræðingur og Oddur Sigurðsson jarðfræðingur.
Eins og áður í árbókum félagsins kynnast lesendur svæðinu í gegnum landlýsingu, umfjöllun um jarðfræði og náttúrufar auk þess sem fjallað er um söguna, mannlífið og þær persónur sem þar hafa verið áberandi. Rúm þrjátíu ár eru síðan svæðið sunnan Vatnajökuls var síðast til umfjöllunar í árbók og margt hefur breyst á þeim tíma í þessum stórbrotna heimi jökla og elda. Þá er ítarleg umfjöllun um stofnun Skaftajökulsþjóðgarðs, sem varð síðar hluti af Vatnajökulsþjóðgarði, og gönguleiðum lýst í Skaftafellslandinu. Bókin ætti að reynast góður ferðafélagi þeirra sem leggja leið sína um svæðið eða vilja kynnast því nánar.