Upp er boðið Ísaland # 88776

Upp er boðið Ísaland. Einokunarverslun og íslenskt samfélag 1602-1787. Eftir Gísla Gunnarsson.

Gísli Gunnarsson (19. mars 1938 – 7. apríl 2020) var íslenskur sagnfræðingur og prófessor við Háskóla Íslands.

Gísli lauk MA-prófi í sagnfræði og hagfræði við Háskólann í Edinborg 1961 og doktorsprófi í hagsögu frá Háskólanum í Lundi árið 1983. Hann kenndi í gagnfræðaskóla frá 1961 til 1972 og var kennari í sagnfræði við Háskóla Íslands frá 1982 þar til hann fór á eftirlaun. Gísli varð prófessor við skólann árið 1997. Doktorsritgerð Gísla bar titilinn Monopoly, trade and economic stagnation: Studies in the foreign trade of Iceland 1602-1787 og fjallaði um einokunarverslunina á Íslandi. Ritgerðin var byggð á ítarlegri rannsókn á skjalasöfnum í Danmörku og á Íslandi.

Hans helsta ritverk var bókin Upp er boðið Ísaland sem byggði á doktorsritgerð hans og kom út árið 1987. Þar gagnrýndi Gísli þá hefðbundnu söguskoðun að Danir hefðu neytt einokun upp á Íslendinga sem hefðu verið á móti fyrirkomulaginu.