Veður á Íslandi í 100 ár # 82009

Veður á Íslandi í 100 ár. Eftir Trausta Jónsson veðurfræðing. Myndaritstjórar, Inga Lára Baldvinsdóttir og Ragnhildur Vigfúsdóttir.
Bókin er uppsláttarrit og hefur að geyma mikinn fróðleik. Í bókinni er yfirlit yfir veðurfar hvers mánaðar frá árinu 1893 til 1993. Hvert ár fær umfjöllun á einni opnu bókarinnar og er hæsta og lægsta hitastig, fjöldi sólskinsstunda, mesta og minnsta úrkoma og ríkjandi vindáttir meðal þess sem skráð er fyrir hvern mánuð. Þá fylgir lýsing á tíðarfari mánaðarins í heild, sem og lýsing á veðurfarinu yfir árið.


Einnig er getið veðurmeta í einstökum mánuðum og yfir árið í heild, auk þess sem helstu óveður, mann- og fjárskaðar, hafískomur, jarðskjálftar og eldsumbrot eru tíunduð.


Á hverri opnu er ljósmynd frá þeim tíma sem fjallað er um, með fróðleiksmolum er tengjast meginefni bókarinnar.