Geiravísur # 90606

 Geiravísur. Kviðlingar af ýmsu tagi eftir Magnús Geir Guðmundsson.
Magnús Geir Guðmundsson fæddist á Akureyri 19. apríl árið 1966.  Magnús fæddist með sjaldgæfan erfðasjúkdóm, Usher syndrome, sem veldur vaxandi heyrnar- og sjónskerðingu. Upp úr aldamótunum 2000 hafði hann misst alla sjón og heyrn hans hafði sömuleiðis minnkað mikið. Síðar öðlaðist hann töluverða heyrn til baka með kuðungsígræðslu. Magnús lét fötlunina ekki aftra sér frá því að taka þátt í ýmsu því sem hann hafði áhuga á. 
Magnús gekk fyrst í Oddeyrarskóla og síðar í Glerárskóla. Hann varð stúdent frá Verkmenntaskólanum á Akureyri haustið 1989 og eftir það fékkst hann við blaðaskrif. Hann var um árabil blaðamaður hjá Akureyrarblaðinu Degi, þar sem flest skrif hans fjölluðu um tónlist, enda mikill tónlistarunnandi. Frá unga aldri var sömuleiðis ljóða- og vísnagerð honum einkar hugleikin og fékkst hann mikið við hana. Eftir Magnús liggja sex ljóðabækur: Geiravísur: Kviðlingar af ýmsu tagi (2004), Limrurokk (2013), Ljóðstafakrans (2016), Limrufjör (2018), Stökustampur (2020) og Ljóð án leiðarenda (2022).