Léttljóð # 89848

 Léttljóð. Ljóð eftir Birgi Marinósson.
Tónlistarmaðurinn Birgir Marinósson var um tíma nokkuð áberandi í norðlensku tónlistarlífi en hann starfaði þá með hljómsveitum og var þekktur textahöfundur.
Birgir var frá Árskógsströnd í Eyjafirði (fæddur 1939) en bjó lengst af á Akureyri. Hann starfaði fyrst með hljómsveitum við Samvinnuskólann á Bifröst og víðar  á sjötta áratugnum og í kringum 1960, lék á gítar og víbrafón og lék þá með sveitum eins og Leirtríóinu, Kóral kvintettnum, Zero og síðan með eigin sveit, Hljómsveit Birgis Marinóssonar sem var stofnuð á Bifrastar-árum hans.
Birgir starfaði framan af sem kennari á Akureyri en var síðan lengi hjá Sambandinu og virkur í félagslífi þar, hann var vinsæll kynnir og skemmtikraftur, kom oftsinnis fram og söng eigin gamanvísur en hann var öflugur við textagerð um tíma og samdi einnig lög. Þá gaf hann út þrjár ljóðabækur.