Seiður Grænlands # 89219

 Seiður Grænlands. Líf og starf Íslendinga í Landi mannsins. Eftir Reyni Traustason. Ráðgjöf við handrit Bryndís Vilbergsdóttir. Þessir segja frá; Stefán Hrafn Magnússon, Helgi Jónasson, Kristjana Guðmundsdóttir Motzfeldt, Gunnar Bragi Guðmundsson, Halldóra Grétarsdóttir og Sigurður Pétursson.
 Bókin fjallar um sex Íslendinga sem búa á Grænlandi. Stefán Hrafn Magnússon rekur hreindýrabú í Isortoq. Hann segir sögu sína allt frá því hann strauk til Grænlands 15 ára gamall og var eftirlýstur. Sigurður Pétursson "ísmaðurinn" var togaraskipstjóri á Íslandi. Kristjana Guðmundsdóttir Motzfeldt er landstjórafrú Grænlands. Gunnar Bragi Guðmundsson forstjóri segir m.a. frá selapylsumálinu sem frægt var. Helgi Jónasson rekur gistiheimili í gömlu refabúi í Narsaq. Fjöldi ljósmynda er í bókinni. (Bókatíðindi 2000).